Қазақ ғылымының жұлдызы
Таулар алыстаған сайын заңғарлана береді. Тұлғаға айналған адамдар да солай биік көрінеді. Әсіресе, өзін танып, көріп, білген, шәкірт болып, ұстаздың алдын көрген адам үшін тіптен қымбат.
Орыс жазушылары Гогольдің шекпенінен, қазақ журналистері Шерхан Мұртазаның шекпенінен шықтық деп айтады. Ал мен академик, қазақтың біртуар ұлы, мінезі кесек, білімі терең, сөзі уәлі, уәдесі берік, жүрегі адал, халқына қалтқысыз қызмет істеген, ұлтжанды бірегей тұлға – Өмірбек Жолдасбековтің аяулы алақанынан шықтым деп есептеймін.