2025 жылдың 10 сәуірінде Ғылым қызметкерлері күніне арналған іс-шаралар аясында академик Ө.А. Жолдасбеков атындағы Механика және машинатану институтының жас ғалымдары ғылымды жастар арасында насихаттауға, ғылыми әлеуетті нығайтуға және ұрпақаралық байланысты дамытуға бағытталған Жас ғалымдар кеңесін өткізді.
Кеңестің ғылыми сессиясы ашық диалог форматында өтіп, жас зерттеушілер өздерінің ғылыми жетістіктерін таныстырып қана қоймай, өзекті мәселелер бойынша пікір алмасты. Іс-шараға институттың жетекші ғылыми қызметкерлері, жас ғалымдар мен ғылыми ұйымдардың өкілдері қатысты. Бұл тәжірибе мен идея алмасуға мүмкіндік берді.
Жас ғалымдар кеңесі – жас таланттарды қолдау мен дамытуға арналған платформа ретінде жұмыс істейді. Бұл кеңес жаңа буынды ғылыми ізденістер мен нақты практикалық шешімдерге шабыттандыруда маңызды рөл атқарады.