Құрметті әріптестер, достар!

Сіздерді шын жүректен Ғылым қызметкерлері күнімен құттықтаймын!

      Бұл күн барлығымыз үшін ерекше. Бұл,  ғылымда тек қана жұмыс істеп қоймай, оны өмірінің мәніне айналдырған, одан шабыт алып, алға жылжуға күш табатын жандарды біріктіретін күн. Осы орайда, ерекше ризашылықпен сіздерді – академик Ө.А. Жолдасбеков атындағы Механика және машинатану институтын идеялар туындап, гипотезалар дәлелденіп, нағыз жаңалықтар ашылатын мекенге айналдырып отырған ұжымды құттықтағым келеді.

      Біздің Институт – жай ғана ғылыми мекеме емес. Бұл – бір мақсатпен, бір сеніммен алға басып келе жатқан, әрқайсысы ғылымға өзінің салмақты үлесін қосып жүрген мүдделестер қауымдастығы. Сіздердің ғылымға деген адалдығыңызға, табандылығыңызға, шынайылығыңызға және білімге деген ұмтылыстарыңызға шын жүректен алғыс айтамын! Сіздер қазақ ғылымының үздік дәстүрлерін жалғастырып, жас зерттеушілерді тәрбиелеп, алдыңғы қатарлы жобаларды жүзеге асырып келесіздер. Ең бастысы – білімнің қуатына, адамзат ақыл-ойының мүмкіндіктеріне деген сенімді сақтап келесіздер.

      Сіздерге жаңа жетістіктер, тұрақты даму, халықаралық деңгейде танылу, зор денсаулық, шабыт және батыл ғылыми идеяларды жүзеге асыруда сарқылмайтын қуат тілеймін!

Шын жүректен және үлкен құрметпен,

Академик Ө.А. Жолдасбеков атындағы
Механика және машинатану институтының
Бас директоры                                                                                                          Уалиев Г.З.